Ринчинов Цырен Очирович и
Тудупова Тамара Тудуповна

Доргошо галзууд угай, Хориин Υдэдэ ажалша, малша, дунда шадалтай гэр бɣлэдэ 1916 ондо Очирой Цырен түрэжэ, гэртэхинээ ехэтэ баярлуулһан байна. Аюулта байлдаанай гал дɣлэн соо ябаашьегɣй һаа, ами бэеэ хайрлангɣй, хооһо нойтоор Илалтын ɣдэрые дɣтэлɣɣлэлсээ. Цырен бага наһанһаа эхилжэ, хɣнгэн солбон, өөдэргэн өөрэхэн,тɣбһэн юумэһээ айхагɣй, өөдөө хɣгжэн ургаа юм. Бага наһандаа мориндо мордожо гɣйлгэхэ, морёор хони, малаа адуулалсаха. Цырен Очирович ɣнэн сэхэ, сэбэр сэдьхэлтэй, тэнюун досоохитой хɣн байһан, Хасууртайда мори харадаг, «Адуушан Цырен» гэжэ алдартай һэн.

1956 ондо Ород нютагай сэбэрхэн сагаахан, урихан шарайтай Тамара басагантай танилсажа, айл бɣлэ болоһон байна. Тудупова Тамара 1937 ондо малшанай гэр бɣлэдэ тɣрэһэн юм. Ород – Тарбагатайн һургуули дɣɣргээ. Багахан ɣхибɣɣн наһаниинь – дайнай аргагɣй хɣндэ ɣетэй тудаа. Хɣдөө нютагта ɣндыһэн басаган хара ажалда шандааһатай, ажалша алдартай гэжэ нэршэһэн. Доодо Хоройдо олон жэлдэ хонин ажалда,таряа тарилгын, хуряалгын ɣедэ тогоошонооршье амжалтатайгаар хɣдэлһэн намтартай.Аймагай захиргаанай зɣгһөө ɣрэ дɣнтэй ажалыень сэгнэһэн олон тоото грамотанууд, баярай бэшэгɣɣдтэй.Тамара Гунгаевна бага наһанһаа дуулаха дуратай, бурханай бэлэглэһэн алтан гургалдай мэтэ гоё һайхан хоолойгоороо бараниие гайхуулдаг байгаа.Дуушан болохош гэжэ олонхон лэ хɣнɣɣд хэлэһэн байха. Аймагтаа тɣрɣɣ һуурида гаража,Буряад ороной мɣрысөөндэ хабаадажа лауреат болоһон байна. Москва ошожо, мɣрысөөндэ хабаадаха боложо, нютагайнгаа хɣн зониие гайхуулһан, баярлуулһан байна. Наһанайнгаа нɣхэр Цырен Очировичтай зургаан бэрхэ ɣхибɣɣдтэй, дɣрбэн хɣбɣɣн, хоёр һайхан басагадтай,арбан дɣрбэн аша зээнэртэй, бултадаа дунда ба дээдэ һургуулитай. Буряад зоной ɣгөөр, «хɣлынь дɣрөөдэ, гарынь ганзагада»хɣргэһэн байна.

.